GuuggeMusig Muota Gnomä | Fahrt ins Blaue 2017 (Teil1)
11530
post-template-default,single,single-post,postid-11530,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Fahrt ins Blaue 2017 (Teil1)

Laufenburg:
Scho bim Schminkä simmer nervös gsii. Wo gats ächt hii… niemer weisses. 😉
D’Stimmig hed sich de no schnell mal uufglockered wo de Mücke mit sinere Momo-Braue uftaucht isch. Gwüssni hend sich richtig müäh gäh bim Friischminkä und ander hends eher minimalistisch ghalte. Es hed „Meh-Hans“ gäh aber au en/es „Unicorn-Hans“ isch nüü gebore. Die ganz fliissigä hend sich es Kunstwerk ufs gsicht gmaled und de heds no die gäh mitm Ei.

Währed de Carfahrt hed S’Schminkteam no es Dankeschön vo üsem Dädy übercho. Und hed mit freudigem ooooooh… aagstossä.
Die hinderst Reihe hed alli mitere Schnitzelbank underhalte und am Mikrophon hed üse Major d’Hotelzimmer-Iiteilige bekannt gäh… DETTLING DU MUULAFF!

Nachem Hotelbezug heds endlich öpis z’Essä gäh. Mmmmh… Schamritzel mit Nudlä, oder sinds doch Spätzli? Egal fein isches gsii. No schnell en Gin für 4.50 und für de Priis s’Glas gad iipacke bitte. Will früehner siig mer ja anschiinend mit 1000.- scho Millionär gsii phaubtet üse Lehrer und will Zwangsjaggene wenns schön sind Zwangsweschtä heissed, hemmer de no schnell eisch gmerkt das de Abig scho gloffe isch.

Nachdem üse Presi de no s’Einte oder s’Andere gseid hed simmer zrugg i Car. Ade Gränzi verbii… Hock ab Nina, Niiiiiiiiiiiinaaaaaaaaa!!!
Bim Städtle aacho hemmer gad emal d’Lag abchecked, Güllä trunkä und Ballön kauft. Mier hend de no schnell eisch mit Beduurä festgstellt, dases uf de düütschä Siitä am Friitig kei Schnäps gäb, will sich die Dublä amig uf Grindä gäh heiged, hed de Theo gseid. Aber nüechtern betrachtet ischer eh voll gsii.

Drüü Konzert hemmer döffe spile und a jedem hemmer es hammergeils Publikum gha. Das hed üs riisig gfreut und d’Stimmig isch super toll gsii.

Nach de Konzert hemmer üs den überall chli verstreut und gwüssni sind ide Brumpft…äh Zumpftstubä glandet. Wenigstens heds det Strüby Zwätschgä ghä. Det inne hemmer de au de Theo kenneglernt und gad en Rundi mitm Gfühlsball aagseid.

Leider hends üs de scho glii eisch us dere Zumpftstube usegrüert und mier hend üs wiiter müesse orientiere. Im HipHop Zelt simmer de wider uf wiiteri Gnomö troffe und hend üs um Chop und Chragä battlet. Üsem Major heds de doch zvill Bomberjaggä gha und drum ischer denn plötzlich nümm umegsii.
Sowiit sich alles guet gsii, bismer de UDO kenne glernt hend. Die Shöttli sind ja scho recht süess. Aber sinds au ringchötzig. Keine weisses, will uusprobiert heds niemer.
Übriges git 2×8 ab hütt 19 und mier sind eich zfridä gsii mit de Priisä.

Taxis siiged nach de Brügg.. ja oder au nid. Aber hey, heilaufe sich keis Thema sind nur schätzigswiis 2h.
Egal mier macheds gliich und wäredem Sunneufgang so as Hotel ane laufe isch doch auf öpis schöns.

I dem Sinn, tschüss bis niemeh. Üches Brini