GuuggeMusig Muota Gnomä | FasnachtsHauptWoche
6728
post-template-default,single,single-post,postid-6728,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

FasnachtsHauptWoche

Gestartet mit dem SchmuDo`s Urknall auf des Muota`s Brücke oder bei einigen bereits traditionell am warm-up in Brunnen. Wie auch immer, man schuuentä & gässlätä in der Dunkelheit durchs Feckerdorf, gönnte sich ein Maisgold in der Muota Garage, z`Morgä mit Würscht bim Kuno & Franz, z`Nüni mit Konzert bim Gallärä`s Begägnigsplatz, Besuch des JahrgängerBeizenTrios Edith-Rösli-Doris und z`Mittag im Latino! e basta in Ibach..denn mier sind uf Stans und d`Levitä sind üs scho vor Abfahrt im Car gläse worde! ..jede wiiteri Satz wo mit «Car» ztue het, spar ich mier, denn Carfahre isch cheibä schwierig & närveufriibänd mit üs Gnomä! NIIIIICHT!!! Esä, in Stans acho, hemer dörfe en wunderbare Umzug laufe und üsi Choreos äntlich wiedermal präsentiere: ICH wet mehhh vo dem Scheiss! Scheisse GEIL isch denn s`Konzert ide Spielgass gsi; ohni Seich, für MICH s`Bescht Konzert sit ich mich darf zu de Gnomä-Family zählle! Zählle hemer nah nüm müesse, denn rund d`Hälfti vo de Mitglieder sind in Stans blube.. die andere as Haarus, zu de Derniére vo de Schiissäli-Paupeler und ufs obligate kaputt-suffä Brunnä-Style…

…stylisch a Mattli-Ball hets Programm am Fritig gheisse! GMMG Chläbi überall, Herkules` Pauketaufi (würrrggg), «promise» mit de Chappel-Gnome, Bogäspeuzer zur Höchstform agfüüräd und denn isch looos gange mit de Gnomä Party vor & uf de Bühni..other side, simply, Hyper Hyper; DJ Fidë het sini Kontäkt lah spiele..eimal meh hemer üsä Bombä-Zämähalt präsentiert und mänge Laie het dänkt: F*** die fiired sich sälber – Ibach ist ne schöne Stadt!

…irgendwie mal ufstah am Samstig..s`Chüssi voll mit roter Farb und de Chopf brummt..dusse schiint d`Sunne und 15 Bier stönd ufem Fänstersims: Verdammt so mues Fasnacht sii! sletztmal schminke, in Ärdgnom schlüpfe und go schränze uf Beckeried! Naja, zuegäh, mier sind rächt im Eländ gsi und hend üs müesse überwinde..am schnellste het das dä Bätsch gschafft mit me sanitäte Ruusch! s`Highlight vom Abig näbem Uftritt isch Premiere vode «Eichel-Streichler» gsi! En Chlyformation, wo scho in Stans mit de Kutsche spielend durs Dorf grauscht isch und denn ebä bide Beggos s`Publikum verzückt het! Irgendwenn isch denn au dä chli-d***-mit ohni Haar retourgfahre und mier sind heizueh…

…GüMo und wieder hemer früeh id Sockä müesse oder wellä, wil nid umäsüscht, de Tag wo üs am meiste zuelosed und d`Stimmig immer wunderprächtig isch..wunderprächtigi Einer-Kollone mitem «Hau de Schniider»..aber der Reihe nach; Urknall der Zweite, z`Morgä bim Pfüsi, Privatbsuech bide Familie Sutter, Rest. Rose, Plätzli-Konzärt und natürlich die hammer Chäschüechä bim Schwegi-Beck..hend fascht kei Platz gha wil soviel Maschgrade hockä blube sind! 😛  Nachem Pfarrheim & Gerbi simer no is Altersheim, wo mer mit de Awohner hend dörfe musiziere; cheibe glatt gsi! Glatt oder eher starch simer trinkfescht & musikalisch understützt worde vo Ehemalige, Groupies und Familiemitglieder, das het andersch gfägt! Wäggfägt vor riesem Publikum hemer s`Plätzli bim Abschlusskonzert..Derniére vo üsem Mäjtscher – Tränen lügen nicht liebä Manu! After-Hour ide Paupeler-Bar, ufem Schrage vom Hermi und d`Schwyz ide Hofmatt, Rössli-Bar,.. Gnomä mier sind daa!

PS: DANKE ier spitzä OHRÄ! Keine Wie Mier – Nüt So Wie Du!

Kuss eiserne Faust – des Pulitzer`s offizielle Derniére