Traditionell letzti Tag voms Fasnacht ims Feckerdorf! Spontanes Tagesmotto: Die Welt der Tiere!
Giraffe, süsch Affe, Bäre, Hüehner, süsch Wyyber, Schilter, Änte und Hase, vo allne isch en Verträter ume gsi. Doch au die andere Kostüm, wie de sexy Skilehrer oder d`Hobbits, sind sehr guet acho. Me seid sogar, dass de Christophorusplatz so schlächt gwüsched worde isch, das me `ne am GüMo no gseh hed.. mier hends uf jedefall huere luschtig gha mitenand und sind sit längerem wiedermal anderi Wäg gange, nüüä Spure gfolgt z.B. zum Helbling go mini-Sandwich ässe.. Wil denn all no so fit usgseh hend, hemer üs entschiede zum «Pfüsi» z’gah und d’Bei chli zverträte. Nachem vitaminriiche Snack & de Protein-Shakes isches zum obligate Chääschuechä-Ässe mit Massage und tüüfgründigi Gspräch gange..ohni «happy end». Nach churze Abstächer i üsi Stammbeize simer is usverchaufte Stadion Gerbihof go usnüechtere und d’Laufkünscht vom Luca go bewundere.. Nach churzem Intermezzo im Pfarrheim hemer scho zum Abschlusskonzärt richtig Plätzli gfolged, wo ich die letschte Tön vo dere Fasnacht mit de genialschte Truppe vom Talchessel ha chönne spiele. Ich bedanke mich nomal rächt härzlich bi allne.. ob jung oder alt (..wie würde Gallerä predigen: alt ist wie jung, nur besser!) ..ier sind eifach die Gröschte!! Muota-Gnomä-Füdläblut!!
ps.: «Ich» bezogen auf Redaktor Omarius Kapuzius! Grande Majorius!
