GuuggeMusig Muota Gnomä | SchmuDo, Ibach
11526
post-template-default,single,single-post,postid-11526,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

SchmuDo, Ibach

Schmudo i aller Herrgottsfrüäh… Die strängste und gliichziitig schöstä Täg im Jahr chönd aafah. Währedem die normale Mänsche no gschlafe hend. Sind mier scho uuf, aagleid und ready gsii zum s’Feckerdorf mit wunderschöne Guuggmusigkläng wecke. Nachdem de Urknall (mit minimer Verspätig) loosgange sich. Hemmer üs ufe Wäg gmacht. Hau de Schnyyder isch Pflicht und mit vill Motivation hemmer looströtet. Erste Halt Muota Garage. De Damian und sini Crew hend üs wider en supertolle Empfang bereitet. Nachdem bimene Mitgliid no en Ölwechsel vorgnoh worde isch, simmer mitene warme Zwätschgägfühl im Buuch wiiterzogä. Nach dem mer denn de steili Stuzt uufcho sind hemmer üs bim Strüby-Schnaps dörfe d’Büüch mit feiner Gulaschsuppä oder Würscht vollschlah. Kurzerhand hemmer Bänk zu Tisch umgwandled und hend üs wider eimal meh, wie deheime gfühlt. Nüüi Übernäme heds gäh und ich find Stecker gar nid mal so schlimm. Oder Finch nid au? Ganz speziell isch das Jahr üse Uusflug uf Schwyz gsii. Danke am ganze Pompello-Team für üchi liebevoll Bewirtschaftig. De Schwiizer Armee hemmer no schnell es Ständli gwidmet und obwohl üse Präsi wiit wäg gsii isch, heds trotzdem gschärbeled. Zu Ehre vom letschte Jahr Hofmatt underem Nelly und em Franz, hend sich zwei gueti Seele ufe Wäg gmacht zum, nach eeeeeeewigem Stürme (5 Jahr oder so), d’Hofmattladys zschminkä. Freud hends gha und scho isches denn au wiiter gangä. De Uuftritt ufem Hauptplatz hed riisig Freud gmacht und a Zueschauer heds au nid gfählt. Scho glii hemmer üs denn wider ufd Socke gmacht richtig Ibach. Bim Begägnigsplätzli hend denn scho e Huufä Lüüt gwartet und de Gallerä hed üs wider mit Kaffee und Chrapfä versorgt. So langsam hed de aber doch allnä de Buuch knurred und es isch Ziit gsii zum go Zmittag esse. Nach dem alli satt gsii sind, hemmer üs ufe Weg gmacht Richtig Altersheim. Läck, wer hed eich de Routeplan gschribä? Das ewige Hin und Her isch ja zum güüssä. 😉 Nachemene tolle Ständli im nüüä Altersheim simmer wiiterzoge richtig Tenniscenter. Zum Empfangskonzert hend üsi Gastgäber no es churzes Tänzli anegleid, was üs alli gfreut hed. Bim Konzert ufem Chiläplatz isch üsi Geduld no prüeft worde und en churzi Pause heds au no gäh. Ändlich hemmer üs ufe Weg gmacht zude letschte Station. Uf die hemmer üs alli gfreut. Bis Hofers dehei simmer, mit feine Snacks und toller Stimmig, sehnsüchtig erwartet worde. Im Rümli unne hemmer gsungä und verusse isch Mikado gspillt worde. Üse Pöstler hed üs de no demonstriert wie so es ghörigs Rennauto abgad (geile Siech). Doch scho glii heds gheisse… tschüss bis niemeh und en lange aber schöne Tag isch z’End gangä. S’Fazit vom Tag isch gsii, dass de Schalter eich all Instrument (nid) chan spilä, trotzdem hemmerne gern debii. 😉 Mier danked allne Kaffeegönner wo üs a dem Tag iiglade hend. Mier hoffed bis nächst Jahr. Tschüss bis niemeh, üches Brini