GuuggeMusig Muota Gnomä | Seeguslerball 2019, Alpnach
13448
post-template-default,single,single-post,postid-13448,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Seeguslerball 2019, Alpnach

UUUUUUUUUUUhhhhh hütt gömmer uf Alpnach, wüsseder no… das sind doch die mitm Schiff oder mit de Skiliftbügel… also en Hälslig heds sicher gha letscht Jahr, a das mag sich au de Papi erinnere. 😉

Voller Vorfreud simmer i Car iigstige. Die einte hend villicht de Friitig nochli ide Chnoche gspürt. Ja mer wird nid jünger und alkohol trinke isch nid jedem gäh.

Wie immer simmer bitzli z’früeh drah gsii. Mier hend denn dementsprächend au no im Car inne döffe warte. Bi dere Glägeheit isch denn de eint oder ander no schnell sini Blase go entlääre und im Car hemmer Apero übercho vo Zuegstignä.

Nachdem mer denn de Aahänger platziert hend, simmer au scho is Pre-Opening Zelt go uuskuntschafte wases da alles so gid. Nachem Eröffnigskonzert. Womer all chli bibered hend, will die einte Register gmeint hend nei OHNE M(D)ICH, mier hend üs denn aber doch wider gfunde und das Stückli über Bühni bracht.

Z’Ässe hend denn schlussendlech glaub au alli no gnueg becho… ab as Fescht. D’Gnomä hend sich ufs Festgländ verstreut und obs jetzt guet zu Vöglä gsii sind oder en Goldmedaille im Velo/Skateboard fahre gholt hend jede hed sini Bar gfunde und hed sich schnell mal deheime gfühlt. Au wenn de Major immer wider gmeint hed: NEI NOOOOOOONI!

Uuftritt Bühni unten… ja also halt eifach det uf dere womer gsehd. Es isch genau die bim Vogelzüg… also weisch…die halt…oder. Ja es isch eine vo üsne letschte Uuftritt gsii und luut Major isches halt au en Uuftritt gsii. D’Lüüt hends gfiired und üsi liebe Nachbuure d’Mythechroser hend ganz schön aagheizt.

S’Restliche Fescht isch denn so gloffe wie erwartet…ob Hütte, Bar oder Vogelchefi… mier hends gspürt. Alli sind ja denn au nümm mitm Car hei. 😉 Nachere tolle Heifahrt mit Gsang und tüüfgründige Diskusione sind denn die meiste Gnömis tod kaputt is Bett ghiid und die andere… wenn sie nicht noch Zug fahren, dann schlafen sie noch heute.

Tschüss bis niemeh… papperlapapp und humbuk