05.11.2016 mer chönnt meine es siig nochli früäh. Also d’Lüüt hend amel sicher komisch gluegt wo da plötzlich gschminkti Grindä in Ibach umegloffe sind. Für üs isches nid zfrüäh!!! Mit grosser Freud und Aaspannig hemmer üs ufe Weg as Fescht gmacht.
Monsterkonzert gmeisteret, endlich gits z’Ässe. Ja und so hed s’Fescht sin unvermiidlichi Lauf gno. Zwätschgä hend nur die muetigä bstellt, disi hend literwiis Holunderwii trunkä. Ja so spaat isches nonid chönntmä meinä. Aber wo de d’Erika plötzlich a üsem Tisch gstande isch, hend sich die einte oder andere nümm so im Griff gha. Schwyzerschilder, eigeti Serviertochter besser chas ja nid wärde. Nummere sind uustuuscht worde, uf de Tischä hemmer au no tanzet!
Plötzlich isch eis gsii. Ab a Uuftritt. Wow so vill bekannti Gsichter hets a üsem Uuftritt gha. Fraktion Fronis und Urmischlegel. Das hed richtig motiviert. De Uuftritt isch denn au so richtig glungä.
Zrugg id Möscht. «HEY S’MINERAL CHOSTET NUR EN STUTZ! Ich suuf mi kaputt hütt!»
Aber vorhär öpis Essä, MAYONÄÄÄS MIT SEMPF…
Scho glii ischs hei zue gangä. Im Car abschminkä isch geil… üse Huus DJ isch gekonnt allnä uf d’Närve gangä. Aber hey, ohni wärs ja langwiilig oder! Gwüssni hend ächt no s’Gfühl gha sii müessed no ad Ingebohler Chilbi. Tja nid kapputt zmachä die Gnomä.
Ohni Huusschlüssel hei gah isch au no geil. Schlussendlich sind de früener oder später gliich no all im richtigä Bett gläge!
Drum säg ich, tschüss bis niemeh. Üches Brini
