Wiiter gats. Aahänger platziert und ab id Kaffeehütte. Det simmer den dezent druf uufmerksam gmacht worde dases Raclette gid. Natürlich hemmer das au müesse probiere. Ide Captain America Bar hemmer de churz mal üse Platz markiert und abgspert. Mer hend ja schliesslich Platz bruucht zum Brakedance und Kunstturnä. Ade Bar heds denn au en Gammastrahl gäh. Hallo Marion…wie vill chostisch. 😉 En Tisch hemmer au no in Beschlag gnoh. Schliesslich hed de Hödel sini Mischig debii gha und mier hend s’Gampelspiili wider uusgrabä. De Schläcktüüfel hed denn d’Fläsche au super anegstell. Ziitglich isch ide Kaffeestubä gjuchzed und g’Arschlöcherlet worde. Üsä Lehrer hed wider fliissig Sprüch verteil. «Sorry I’m fabulous. Ich bi de pescht.»
Dirty Dancing, ha die Hebefigur hed bim erste mal klapped. Iher sind halt es Dreamteam. De Mugi hed im Eifer des Gefächts no eini gfange und all sind zfridä gsii. Ide Shotbar hend de Mücke und de Schilter alles gäh. «Weisch muesches eifach la flüsse, Minimal muesch gspürä oder! Verstahsch. Eifach la flüsse.» Ufem wäg zum Instrumänte fassä hend sich gwüssni no mitere Metalltafäle aagleid und hend nah echli Müäh gha mit Laufä. Au das gad wider verbii und susch gani de morn halt zum Dokter. Jawohl… De Antonia i Schnägg ine bissä isch gar nid nätt, aber wemmers cha.
De Uuftritt isch super gsii und mier sind vo allne Siitä mit Bier versorgt worde. Dankeschön den Spendern.
Nachem Uuftritt no schnell zämestah will de Mäitscher will das mer KOLIDARISCH sind mitenand. Aber denn wider zrugg is Kaffeezält. Det hemmer so Hunger gha dasmer de Reste Raclette gad im Ganze verputzt hend. Ja ich meine, so mönds nah nüd furtrüähre. Mier gönd jetzt hei. Will es isch zwei.
Im Car inne hedmer Drohige uusgsproche. «Romario hör uf, susch nimm der d’Alessia wäg.» S’Mikrofon hedmer denn au wider mal in Beschlag gnoh und ei Witz am anderä anegschmättered. Will uf de Tafele isch gstande «Der Lährer ist ein Esel.» aber ich has gar nid gwüsst. Oder so.
Nächster halt Seewe Bahnhof, dingdingding, Seewe Bahnhof. Danke Mugi für die tolle Destinationsaasage. Hoffendlich niid em eine s’Mikrofon wäg. 😉
So ab is Bett, will morn gats wiiter.
Tschüss bis niemeh
Brini
