S’Fäscht hed das mal scho bim Schminkä aagfange. Da isch nämlich de eint oder ander gnäpfled worde.
Nach dem tolle Uuftakt hemmer en wildi Verfolgigsjagt ufgnoh. De «C»Armin hed sich nid la lumpä und de hemmers doch no iigholt, die cheibe Morschächler. Liebi FRONALP-CHESSLER iehr sind absolut geili Sieche! Aber zu dem chumi später nomal.
Zrugg zur Carfahrt. Zum Glück isches nümmä wiit gsii, es hed nämlich nur no 10 Bier gha. Aber das alkoholfrii gsii sind hemmer de erst relativ spat gmerkt. Gid au en Ruusch wenn gnueg devo trinksch. 🙂
Uuftritt Nr. 1: Riisig geil isches gsii. Und scho det hemmer super Unterstützig gha. Die erst Reihe isch voll abgange und hed gad echli Stimmig gmacht.
Nachdem isch denn mal s’Gländ inspiziert worde. D’Turnhalle isch noni so gfüllt gsi und das hemmer denn au uusgnützt. Rot, Liechtli brännt im grosse Stil. blaui und graui Gwändli sind umegsprunge oder äbe, wiemers vo dem Spiili halt kennt, stah blibä.
Uuftritt Nr. 2: Wow, wow, wow… Da wäremer wider bim vorhärige Thema. Was für en tolli Understützig. Gumpä, singe, Polonaise tanze und Pyramide mache. Fronalp-Chessler iehr sind eifach top!
Wie sich ghört simmer all zur Stell gsii wo d’Fronis gspillt hend. Gumpä, singe, Polonais ob eifach oder topplet! Sogar en surfende Achermann hemmer döffe erläbe.
Währed dem sich die einte mit Bächerspiili ide Kaffestube verwiiled hend. Hend die andere ide Turnhalle wacker mit de Guggemusige tanzet und gfäschtet. Anekdote wie:
- «Sind iehr es Liebespäärli, oder chani Vollgas?»
oder
- «Au die Wüäschte muess eine näh!»
Wärdet für immer i gnomischer Erinnerig bliibä. 😉
Au s’Birräweich gad nid für immer und drum hemmer üs denn au ufe Heiweg gmacht. De Stutz ufelaufe isch nid für all gliich eifach. Drum hed de Hödel au churzer Hand s’Aahänger-Taxi, oder wies sit hütt heisst Hödel-Taxi, gnoh. Apropos Hödel. Zum Glück hesch du Underhose aagha!
Am «C»Armin hemmer de no schnell ghulfä d’Schneechettene abmontiere, guet nid all aber wenigstens en Teil. Schneeengel hemmer hinderlah und es Handy. Nachdem das besagte Handy wider bim Bsitzer gsii isch simmer denn wiiter gfahre. Und hoffendlich all im Näscht glandet! 😉
Tschüss bis niemeh
Brini
