GuuggeMusig Muota Gnomä | Probeweekend 29. – 30.11.2016
10583
post-template-default,single,single-post,postid-10583,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Probeweekend 29. – 30.11.2016

Wow, was fürnes Wuchäend.
Bi dickstem Näbel hemmer üs am Samstig ufe Weg i Stoos ufe gmacht. Det hend all, wie vom Luca tubelisicher beschribä, ihres Billett gholt und sind is Bähnli iigstigä. Ja okay, fascht all…aber hauptsach s’Gepäck isch im Bähndli gsii. Ghorned heds und Gnomäschar isch losgrollt richtig Sunne. Dobä aacho hemmer nid schlächt gstuuned. „Gopferdammi da obä isch en uhuerä Hitz, ich gan glaub wider!“ Aber mer hend üs de doch schnell a die „summerliche“ Temperature gwöhnt und sind üsi Zimmer in Beschlag go näh.

Halbi zwei, die erst Gsamtprob stahd ah. Ja, das muess die Bergluft sii. So riibigslos wie die gloffä isch.
Au die wiitere Registerprobe hemmer gmeistered und zu allem Erstuhnä vo üsem Major s’nüä Lied anegschmättered als würemers scho 5 Jahr spilä. ( Oder so! ) De Major hed amel churz z’Gfühl gha er gieng jetzt hei, es bruuchnä eh nümm.

Nachemene lange 1. Probetag hemmer denn döffe go Znacht ässe. Es uhuerä Gaudi hemmer det scho gha. Ob de Sepp und sei Chatz oder d’Gabel,Gabel,Gabel…
Aber HEY, mer chönntet ja mal de Mario aaluegä, was meineder Mädels.
Wo de s‘ Znacht fertig gsii isch und all gässe gha hend, isch nomal musiziert worde und denn heds gheisse Uufnahmeritual AHOI.
Ob Wattebäuschchen ine Täller inä biigä, Säck vom Bodä uufläse (nid ufd Chnüü liebe Schalter) und debii Hosä schliissä, Ballön rasiere oder irgendwelchi Gägeständ mitm Gsicht z’erfühle. Üsi Pröbis, uufgnohnä Mitgliider und Gottis/Göttis hend sich gad echli is Züg gleid.
A dere Stell wett ich no üsem Ober Pröbi und üsem Segelverantwortlichä ganz herzlich gratuliere!!!
Nach denä super tolle und unterhaltsamä Uufnahmeritual ischs los gange mitm JUBEL TRUBEL! Wemmer nur immer so angagiert wäred wie bim Spiili spilä. Alles hedmer chönne mitspilä, zueluegä oder eifach nur losä.
Bugana, bugana, Uuuäh…Hiiiii … , Ribeldibel oder die ganz muetigä hend sogar KingsCup gspillt. Ich meine, mit Rivella isches eich keis Ding, weiss nid was du hesch Rüdiger.
Au fürs Gmüetliche Volk heds öpis gha. Vorem Huus chli Wiiäle am Füür zue.
Die wo nonig gnueg gässe gha hend sind halt eifach no i under Stock go Raclette moschtä.

Aber mier wäred ja nid Gnomä wemmer am nächste Morge, ob uusgschlafä oder halt äbe nid, top motiviert vor üsem Major gstandä wäred und i aller Lutstärki üsi Lieder trällered hättet.
Gsamtprob überstande Zmorgä ässe, looooooos. Danke a dere Stell üsem tolle Chuchiteam für das super feine Ässe womer hend döffe gniesse das Wuchäend.
Huus ufruumä, putzä… isch gad eso ade Grenzi heds gheisse. Tja mier hends probiert.
Noeisch vollgas probä und denn heizue.

Mier hend glached, brüeled (vorallem vor lachä), gmüedet, glärmed, gmusiged und blüetet das Wuchäend.

Jetzt simmer parad fürd Fasnacht 2016/17 und freue üs scho riisig.

Tschüss bis niemeh üches Brini