GuuggeMusig Muota Gnomä | Aateigätä Schwyz
7569
post-template-default,single,single-post,postid-7569,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Aateigätä Schwyz

Wooohooo… Fasnachtsaafang!!!

Nüüs Gwändli, nüüi Lieder und ACHTUNG en nüüä Major. A dere Stell: Danke Piri für die super Vorbereitig mit üs uf die kommend Fasnacht!!!

Aber jetzt mal vo vornä. Extra für üs hed s’Nelly die heilige Tor vom Restaurant Hofmatt uufgmacht. DANKE tuuuusig. Was für en Ehr. Nach dem mer gschminkt und meh oder weniger aagleit gsii sind. Hemmer am Nelly es Dankeschön-Ständli in Chaosformation (sogar uf de Stüehl sinds gstande) gspilt.

Besammlig vorem Restaurant und mit Strassestuck is Mytheforum hindere laufe. DAS ISCH MUSIG…

Bim Mytheforum aacho, hed de doch de eint oder ander aagfange bibberä.

Bäbäbäääm die nüüä Lieder hemmer gad echli anegschmättered. Läck hed das grockt.

Am 10ni denn de Uuftritt dinnä. Mier hend vode Bärge grüeft und Sägel ghisst. Riise Spass heds gmacht. Uf das abe, Instrumänt versorgä und ab id Möscht. DJ Fide hed für super Stimmig gsorgt. Aber säg emal: «Hesch jetzt du gad Spice Girls abglah?!?!»

Ah ja, es nüüs T-Shirt hemmer au no. Zu dem nur so vill… Abgseh vode Schweissfläcke, als Gilet wäreds imfall nid dänkt gsii. Tja, -1.

D’Party hed ihre Lauf gnoh und Gnomä hend Vollgas gäh. Nümme welle höre hends. Doch leider hed jedes Fäscht es Änd. Nach dem sich denn die einte bi Prodigy völlig verusgabt hend und no die reschtlich Schminki am Fäscht glah hend isches denn für alli langsam Heizuä gangä.

So liebi Gnomä ich chas nid gnueg mängisch säge. IHR SIND EIFACH EN GEILE HUERE HUUFÄ!!!

Tschüss bis niemeh

Brini