GuuggeMusig Muota Gnomä | GüMo oder es tätsch flätt no eisch
2945
post-template-default,single,single-post,postid-2945,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

GüMo oder es tätsch flätt no eisch

Dä letzt Tag idä MonstaFasnacht 2014..und es isch Hammer gsi! Gröberrr, ja no lüüter ghämmeret hets denn au no eisch uf de Muota Brügg Punkt 06.00 Uhr..pünktlich simer denn vorahgschritte mit Grossgrinde (Comeback des Jost), wildä Schminki, Neon-Light, 4 Glichgsinnti mit dickä Büüch ganz hinne, Turtles, ne Biatsch, Gangsta HipHoppers, Kuscheltiere, dä Froni-Schooli, Ehemaligi, wo ihres Mundstück wieder gfunde hend, Nüüawärter, Groupies im Tüüfel und au dr eint oder ander Gnomä-Nachswuchs het mitgmischlet! Ja all die rüüdigä (geile Usdruck gäll Mäjtscher..) Verchleidige z`beschriebe wür de Speicherstatus vo dere Page spränge und drum fasst sich de PulitzerMänsch churz! Churz nachem Urknall hemer scho es erschts Konzert gspielt im Schuelhuus Muota und sind nah zumne wiitere Comeback vo de Gnomä-History zus Gassers go Heizige flicke und Röhre putzä! Mitem z`Morgä und paar Kaffees intus simer direkt wiiter go Möbel bastle und Sagmähl schnupfe bim Pfüsi dihei! Hurti is Latino go boolä trinke und chäch eis spiele intern statt extern juhee! D`Rott isch üs denn au s`erschtmal über de Wäg gloffe, aber mier sind einisch meh schneller gsi und hend bereits wieder musiziert & gspunne am Plätzli!..gspunna! Apropos Rott: Gueti Maschgrade hets gha, die cheibe Zigüüner und de no mitme Tüüfelastecker..teuflisch guet gnüsslät Schilter! Schwegi-Beck, der geliebte Mittagshalt, wie jedes Jahr es Highlight mit de Hammer ChäsChüechä und Würscht und Bier und TOP-Stimmig ide Back- & Spinnstubä! Es paar Maschgrade hend üs au det welle de Platz striitig mache..ganz nätt „abfahre“ hets gheisse..Husch!

Richtig emotional ischs Schlag uf Schlag wiitergange; denn es letztsmal hets anere Fasnacht gheisse: „Liebe ist, wenn man Rösli nicht vergisst!“ ..oder Konfetti & dä Bänzin, we will miss ya! „Achtung, Gnomä ufstellä, Einer-Kolonne, vorwärts, Spiel!“ Traditione über Traditione het aligs dä Gallärä brichtet – VIVA GMMG – Gib Mer mal es MaisGold..so hemer wiiters kakophonisiert & agstosse im Pfarrheim, Gerbi mit Mannschaftsfoti oder denn als Letzts im Chrüter-Chrüz und Smoker-Brüggli! Nicht zu vergessen d`Paupeler Bar..wo nachem Znacht ä Huufä Verrückti zrugggfunde hend und mächtig auf die Pauke gschlage hend! Hello Kitty minus ein Auge und ab id Muota!

Je länger dä Tag gange isch, desto meeh isch philosophiert worde (für das bruchts übrigens keis Lehrerstudium het dr eint gmeint…) und so isch am Stammtisch folgendes Feedback zur Fasi `14 vo sich gäh worde: „Kei café latte ohne dich Schilter..üsi Boys hends Publikum fieberhaft atornt..dä Wayne het s`erschtmal suuber duscht, isch ab uf d`Schi..und zum Uszuug simer uf die other side vo dä Muota Brügg go Trübäl pflückä!“ Nach über 10 Uftritt, unzähligs mal em Mäjtscher „müesse“ losä, massenhaft gselligä Stunde, 1 kaputti Trumpetä, Haarsträubende Diskussione und es paar Hundert abgstorbne Närve, hemer ufem Plätzli üses Absturz.. ehh AbschlussSpiel gmeistered und wie üse Mäjtscher wür säge, dere „legend..dary“ MonstaFasnacht adieu gseid! ..Adieu richtig Schwyz, wo d`Redaktion ja bekanntlich mittendrin isch; aber i dere Nacht isch im wahrsten Sinne des Wortes dä „Unparteiisch“ nid bestächlich! DANKE de Fasnachtsrott Ibach für de riibigslosi GüMo!

Eiserne Faust dankt bsunders allne Gnomä für die Hammer Fasnacht!! Allne Sponsore für d`Understützig und de gfüllti Gäldsack, allne Hälfer fürs under d`Arme griffe, allne Fans `sorry` hemer so luut gspielt und allne Kaffeegönner Dankeschöön für dä Ruusch!! Auuu!