GuuggeMusig Muota Gnomä | GuuggeReisli`15
7248
post-template-default,single,single-post,postid-7248,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

GuuggeReisli`15

I herrgotts früehi träffed mier Gnomä üs im Gerbi. Die einte gsehnd nu chli müed us, AC/DC Konzärt sei Dank. Mit em Carmin fahred mer los, verbi am Chiläli vo Wäggis richtig Südä. D´Stimmig im Car isch Top. Wo isch de ersti grösseri Stopp? Mit Quiz-Frage hend üs die zwei Organisatore nu chli meh uf d`Folterä gspannt. De Film vo üserä legendäre Jubiläumsfasnacht 2015 mit lustigä Sprüch, Bier oder Schnaps und üsnä Uftritt simmer schnell bi üsem erstä grösserä Stopp – Gardaland.
Ahstah, Ahstah, Ahstah und de öbe doch numal ä Bahn fahre. Gmeinsam hemmer z´Mittag gässe. Heiss isches gsi, dementsprächend isch viel trunkä worde. Für die eintä heds ä abchüehlig im Brunne oder unterem Wasserfall im Park gäh. De Manu üebt nu chli de Bruschtschwumm und zeigt dä Sandra grad nu wie gärn er sie hed. Mier sind witer gfahrä richtig Meer, äh nei richtig Gardasee. Det heds den für all ä Abchüehlig im See gäh inkl. Badetierli und Luftmatratzä. Spöter heds ä Apero i üsem Hotel gäh. Es gmeinsams Nachtässe isch üs den vom Mr.Bean persönlich serviert worde, weis ned ob de Hofer und die beidä Zgraggä immer nu ufs ässe wartet..
Ab go Fäschte, das chömer ja näbedem musizierä sowieso am beschtä. Die einte sind total begeisteret vom Flipper-Chaschtä, anderi sind am tanzä, siiiiiiiiinge und wider anderi sind am dumm schnorrä und Party machä. Gschlafe isch glaub ned wirklich viel worde, Champanger isch nu bis in die frühen Morgenstunden im einte Zimmer drunkä worde. Zum glück hesch d´Serviertä ihpackt Marion 😛
Wider uf und scho hemer üs wider gfragt wo mer jetzt ächt nu durä gönd. Füf spitzi Ohrä verlönd üs bim nöchstä Stopp – MILANO. Viel spass am AC/DC Konzert und lueget das ihär ned vor üs diheime sind. De Rest vo de Gruppä gahd go shoppe, gönnt sich wider mal es „chlises“ Bierli oder gniessed eifach das schöne und heisse Wätter z`Italie. Wider hemer üs troffe um gmeinsam z´Mittag z´esse. Chäch grossi Pasta Portione heds gäh mit 3 verschiednigä Sugos. Tschau Italiä und Hallo Stau. Aber hei mier chönds au lustig und churzwillig uf dä Autobahn ha. Ja so spielt mer sogar wider mal Versteckis oder Rot-Liecht-Brännt. De Car wird churzerhand zumnä Party Bus und de DJ Schilter heizt iih mit geilem Sound. So ändet das spannendä, lustigä uuund LEGENDÄRÄ Jubireisli 2015 chli spöter als dänkt.
Es riessä dankäschön am Marco und am Cornel fürs organisierä. Uund es DANKÄ a üsä geil Huufä für das super Weekend!

Peace üchi Jasmin U aus S mit de Tour de Suisse