Jubi zum zweite heisst am Samstig 14.11.2015 für üs. Denn mier hend bide Urmischlegel Seewä scho de zweiti Uuftritt die Fasnacht und de aller letschti Aalass mit üsem Ärdgnom döffe bestriite.
What the f*** isch das geil gsii!!!
Aber alles de Reihe nah… De Schmunk hemmer im Gaswerk bim Zaali und de Anna, mit schöööne live Musig und Apèro gnomiged. Spielend simmer denn zum Fäschtareal zoge. Läck gad echli es Areal isch das gsii, siig ja äbe Jubi. So hedmer sich am Fescht de nochli verwiiled, mit Tanze, Holunder Plunder drinkä, Guggämusige lose oder eifach susch echli sii. Ah nid zvergässe dasmer natürlich au das mal Lüt mitenand vereint hed obs hend welle oder nid. Jaja das cheibe Gnomächläbi, hed de no für Verblüffig gsorgt. Ja mer hätts sogar für 20.- welle abchaufe. Üse Lehrer trumpft wider mit sinde Chläbisprüch…
Schweizer Fleisch, d’Sandra weiss wieso!!!
Und denn isches au sowiit gsii, üse ersti Uftritt uf heimischem Bode. Zäme stah, gmeinsam Energie tankä und loooooos gads. Dene zeigemer wasmer chönd. Und hoppla das hemmer denn au. Anderscht gfägt hed. D’Hüttä isch voll gsii und all sind ab gangä!!!
Mit derä Energie und super Stimmig isch de Abig wiiter gangä. Es isch wiiter gmusiged worde. Es Ständli usem Kofferruum: «D’W Nuss vo Bümpliz isch schön… TEIG!» Ide Kaffeestube hedmer Kontrabass gspilt und dezue de Bajazzo gsunge. Au de Suworow isch eisch zwei mal gspillt worde.
Super gsii au wenn de eint oder ander scho gschlafe hed.
«Bsoffe, huere schlimm wäg eisch… Ich schlafä woni will und wäni will!»
Mier hend üsem Ärdgnom ä wunderschönä Abschluss gschänkt.
I dem Sinn: Es riiiiiiiiisä DANKESCHÖN üsem geilä Huufe für die Ärdgnomische Fasnachtsjahr.
Tschüss bis niemeh
Brini und Jasum