14:00 die gnomisch Fasnacht chan aafa. Im Brunnerhof sind Grinde geschminkt worde und es chliises Ständli hemmer au no anebracht für üsi super Gastgäber.
Am vieri ischs denn so wiit gsii. Die erst Carfahrt mitm Carmin. Ab uf Sarnä. Ganz im Sinn vo «DJ Duo Willkür», isch im Car schon die erst Partystimmig ufcho.
Churz nach Aakunft Hemmer au scho üse ersti Uuftritt bestritte. Nachem Monsterkonzert hedmer sich denn langsam ad Bars und id Kaffeestubä truut.Scho bald heds gheisse: «Pfiiiiiiiiiiiiiiiiiiiiiiiiiff… 5 Minute!» Und so hedmer sich füre zweiti Uuftritt parad gmacht. Mit Fans im Publikum und gueter Luune isches wieder mal super gsii.
S’Fest isch wiiter gloffe und d’Stimmig immer besser worde. Mehr hed tanzet, Pyramide gmacht und die einte hend 1 und die andere 66 Kaffe gnossä.Wieso isch jetzt au die Bar da bschlossä? Bis hütt weiss niemer nüd.
Bim Noggeleruuftritt simmer zahlriich verträtte gsii. Mier hend gschunkled, mitgsunge und für en Bolonääääs heds au no glanged.
So jetzt isches aber Ziit sich füre dritt Uuftritt zbesammlä. Vorem Zelt aacho heds denn gheisse es gieng no 20 min. und schwubbs ischmer zrugg id Bars verschwunde. Aber uf de Bühni sind de doch all wider umegsii.
Mier hend Spass gha. Das isch wichtig! Oder Mäitscher?
Scho bald isches wider Ziit gsii zum hei fahre.
Erste Halt… Stans. Au das macht de Carmin!
Im Car isch, nach gwüsse Uussage, weniger los gsii als bimene Pensionierteuusflug. Und ander sind vor luuter Hunger gar nid zum Rede cho. Das füehrt zu nüüe Regle bim Carfahre wo luutet: «Aagurte möder üch nümm so lang beid Händ zu jeder Ziit sichtbar sind.»
So nach dere turbulänte und vo Testosteron erfüllte Carfahrt sind denn doch all guet hei oder ad Ingebohler Chilbi cho und au die ganz tüüf schlafende hemmer möge wecke.
I dem Sinn, UF EN GEILI FASNACHT liebi Gnomä.
Tschüss bis niemeh.
Üches Brini
