Was für en Luxus, go schminkä mömmer das Mal erst am VIERI 🙂 Trotzdem hemmer wider mal eine oder zwee gha wo nid gnueg Schlaf übercho hend. Ja de huere Mäuderball. 😉
Mit Bus und Zug simmer denn schlussendlich uf Steine cho. S’Highlight isch gsii, dass alli liebe Lüt im Bus hend döffe, amene Flötesol begleitet vo ängelsgliichä Triangelkläng, lose. Nachdem mer ide Beiz no eis gspillt hend, hed de Touri scho glii mal glärmet. HIE UUFSTELLE LOOOOS… und mit Paukä und Trompetä also eigendlich mitemene Höllelärm simmer richtig Festgländ gloffe. Vorem Areal no schnell es Privatkonzert gäh…immer wider gern. Aber jetzt ab, es gid z’Ässe. D’Kaffeestubä am nüüä Ort hed üs ganz guet pässled. Aber nüd gad über d’Musig. So richtig geile 90er Shit hender abglah. Das hed am hinderste und letschte s’Tanzbei zum schwingä bracht.
Üsä Dädy de Skispringer hed de no so en richtig guete Sprung anägleid und ide Königdisziplin Fotobomb isch üsi Simba ganz vornä gsii. Aber achtung die unglaublichi Sensation, mier hend das Mal Deko gflickt und nid… Naja egal! Frisurä sind gmacht worde und besti Fründinnä entstande.
Säge nur heb de Schlittä, Mimimi, En Grüände mit Mineral und WoW!!! Super Sach so Schildli und chli Chriidä.
Ziit isch vergange wie im Flug und scho isch wider Besammligsziit gsii. Hey nei, üsi Crashs sind wäg. Das gits doch nid… ganz schön sexy bliibä isch nur halb so schlimm. Üsä Kommunikationskönig aka Rhytmuschef hed die nur ade Sunnäguugger uusglehnd. Chömeds wider über, alles isch guet.
De Uuftrit isch guet gsii! (So d’Wort vo üsem Major) 😉 De Rhytmus hed no döffe es Shötli go näh. Das isch de Dank gsii, das d’Sunneguugger hend döffe die Chingbängbing-Dinger uuslehne. Nachem Uuftritt heds no öpis Aazstoossä gäh. Üsä Presi und de Rasselerchef hend nämmlich dörfe Geburtstag fiirä! Danke Presi für de tolli Isostar-Drink 😉
Ja, so wiit so guet. Liebi Bogäspeuzer s’Fest isch de absoluti Börner gsii. Es hätt nach de einte vo üs aber ruhig no es Stündli zwei länger döffe gah. 😉
Tschüss bis niemeh, üches Brini
