GuuggeMusig Muota Gnomä | STEIL Wigoltingen, 2017
10980
post-template-default,single,single-post,postid-10980,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

STEIL Wigoltingen, 2017

Hmmm… Okay, wo fangt mer da ah. Also s’Schminkä isch ja scho mal sehr lässig gsii. Mit wenig oder vill Nachwehe vom Abig vorhär simmer pünktlich bim Schminkä iitrudled. Ich han ja gseid lueged uf üchi Chnüü Chinde. Tja wer nid wett lose… Aber zrugg zum Schminkä, die einte hedmer nidemal müsse amale, wills no gschminkt gsii sind vom Vorabig. De Rest hemmer, begleitet vo so richtig geiler 90’s Musig, denn doch au no farbig anebracht.

Mit vill Proviant hemmer üs ufe wiiti, wiiti Wäg uf Obawitatuo, äh Thurgau meini, gmacht. De Biermin Hallo isch au mitcho und scho d’Hiifahrt isch villversprächend gsii. Areal abchecke… en Teestubä, en Schaukelbar und es Party-/Guggäzelt. Guet! Also ab id Teestubä… Gnomen(ä)tee geile Scheiss!!! Gnueg uufgwärmt. Zweite Durchgang. Ide Schaukelbar isches de einte de doch chli zvill worde. Aber hey, fühlt sich ah wie SchmuDo-Brunnä. 😛

Ide Teestubä hedmer „Wer bin ich“ mit sehr suspekte Personä gspillt. Im Paryzelt hedme tanzet, gschnupft und Pokémon gfange. „Happy hour au es Thema?!“ D’Rauchmaschine montiert. Holunderwii hemmer die Fasnacht ja scho entdeckt, aber de Himbeeriwii isch glaub nüd für üs.

Am Rampassä Uuftritt simmer natürlich zvorderst vore gstande au wenn eich Besammligsziit gsii wär. Das hemmer üs natürlich nid la entgah. D’Rampassä sind geil gsii und mier hend alles gäh. Aber jetzt ab ad Besammlig , mier siiged die nächste hets gheisse. Am Uuftritt hemmer riise Unterstützig vode Rampassä und de Chatzämusig Brunnä gha und de Uuftritt isch dur das nochli supriger gsii.

Nachere tolle Red vo üsem Major… iehr elände … hemmer wiiter gfiired. Wennmer schlaft, wird mer dekoriert. Das isch es ungschribnigs Gsetz. Vorallem wenn üse Lehrer debii isch. D’Frau heds nid so toll gfunde. Aber das chas alles gäh. Zum Abschluss hemmer de no d’Chatzä glost mit Bolonäs und Jubeltrubel. De Hofer heds mal andersch gseid und scho isch au das Fescht für üs z’End gange.

D’Heireis isch turbulänter gsii denn je. Aber de Armin hed üs guetbehüetet heitha.

 

Also iehr liebe, nid vergässe STEIL isch GEIL, tschüss bis niemeh Brini