GuuggeMusig Muota Gnomä | Sau(st)ball 2017, Hittnau
11091
post-template-default,single,single-post,postid-11091,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Sau(st)ball 2017, Hittnau

D’Freud isch gross gsii! Das hedmer im Car scho gmerkt. De Major isch vor luuter ooooooooh… nid zu Wort cho. Nach dem mer denn mehrmals ermahnt worde sind, kei Witz über Zürcher zmache,(Wasmer üs fescht,fescht vor gnoh hend…) hends üs ufs Gländ loos glah. d’Inspition isch schnell erlediged gsii und mer hend üs üsere Meisterdisziplin gwittmet, Ässe!!! Älplermagrone, so guet. Also wenner mich fraged die best Guggäverpflegig wos gid. 😉 Bide Konzert uf de Ussebühne hemmer üs voll is Züg gleid. Üsi Flötistin hed de aber doch zfest Gas gäh und es ischere churzer Hand mal d’Flöte entzogä worde. Da d’Halle nid vo Aafang aa gfüllt gsii isch hemmer de Platz gnützt und es chliises Fuessballturnier verastaltet. Sind ja schliesslich z’Züri oder… 😛 Die einte hend «Kunstturnet» oder Basketball gspillt. Währeddem ander sind go Güllnä. Mit de Musig hemmer üs lang, lang nid chönne aafründä. Aber au das hed im Verlauf vom Abig bessered. Das mit denä Wertcharte hemmer au nid ganz verstande. De Bankomat hed s’Chärtli oder äbe s’Geld nid wider uusgspuckt aber gstumme heds gliich irgendwie. Au de hinderst und de letscht hed denn gmerkt, dasmer, wenn Gnomä ide nöchi sind, nid sett a Bode liggä. Hügläääääää heissts denn und da kännemer nüd. Au kaputti Hosä nämmer i Chauf.

 

 

Am nüni hemmer üse erst Uuftritt döffe bestriitä. Im Funk vode Gastgäber heigs gheisse mier heiged huere guet gspillt…üse Major hed nüd dezue gseid.  😳  Nach dem «hervorragende» Uuftritt hemmer üsi Ziit ja irgendwie müesse z’tod schlah. Will de zweit isch erst am 01:00 aagseid gsii. Mier hend gfiired, glached, Mineral trunkä und gwüssni hend no s’Gfühl gha sii müessed jetzt hinder d’Shotbar go hälfe schaffe. Rendiert heds für beid Siitä und Spass hend au all Beteiligtä gha. Aber nid nur schaffe bi andere Guggä chömmer guet, nei au mitspilä isch keis Problem. Bewaffnet mit Rasseli, Chlefäli oder Flöte, isch immer wider öper vo üs uf de Bühni gstande.

 

 

Uftritt Nummer 2. Sones Guggä Ping-Pong isch gar nid mal so schlimm hemmer usegfunde. so chamer sich wäred de Lieder vo disnä chli erholä, Shötli bsorgä oder eifach anehöcklä und niemeh uufstah. Also ich ha de Plesche gha und ich glaub mini Guggägspändli au. En Speschelgest heigemer au no uf de Bühni heds gheisse. Am Schluss isches gliich «nur» de Presi gsii wo diräkt nachem Lande am Flughafe mit 1000 km/h aagrased isch zum au am Uuftritt teil znäh. Das isch no Treue der Guggenmusig 😉 Am drüü abfahre heds nachem Uuftritt gheisse. Schad hütt wäremer am liebste für immer blibä. Es hed gliich no glanged vor de Abfahrt Gwändli duusche. Plötzlich sind gnomischi Mexikaner, Einhörner, Füchs und Pandas umegloffe. Luschtigs Volk die Zürcher. Alles mitgmacht hender und da gits vo minere Siite en riise Knicks a üch. Hättemer nid dänkt… Doch denn ab zum Car. Deko heds dasmal keini gha und Strassemarkierigä hemmer au nid döffe hei näh. 😛  Drum simmer mit so vill hei wiemer au cho sind. Bis uf zwei wo sich klamm heimlich usem Staub gmacht hend. Uf de Heifahrt hemmer so lang Flötekonzert gha bises de einte glanged hed. Plötzlich heds nümm tönt. Aber schlussendlich hed all ihres Instrument wider zrugg übercho und d’Wält isch, womer is Bett sind, für die meiste wider in Ordnig gsii. I dem Sinn, danke liebi Rampesäui für de tolli Ball und tschüss bis niemeh, üches Brini