GuuggeMusig Muota Gnomä | SchmuDo oder es tätscht flätt
2533
post-template-default,single,single-post,postid-2533,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

SchmuDo oder es tätscht flätt

03.00 Uhr..Feckerdorf..die Schminke bereit..Tröttä putzt..3-Wetter Frisur bei leichtem Regen.. Halleluja schou Drüü am Mourgä.. und d`LändlerKabinä füllt sich langsam mit spitzä Ohre bereit zum schminkä, schwatzn und Pulitzer-Kaffee lüürggä..begleitet dur`s Echo vom Grossstei & em DJ wissä-Strich! Halleluja zum Zweite; pünktlich nachem 5 Gloggäschlag tätscht dä Urknall uf dä Muota Brügg (d`Chilämuus im Biichtstuähl: „Stahd sie no!?“), ja de dä ganz Talchessel isch gweckt zu dä „feyf scheenste dääg!“ Mit „Hau de Schniider“ zottlet rund 35 Gnomä topmotiviert und mit breitem Grinsä richtig 1. Bier, 1. Kaffee oder doch eher es Coci für „Brunner warm-up Trinker“ idä Garage Gwerder! Dä erst und einzig Bärgpriis stürzed mier gekonnt duruf richtig Schnaps Strüby, womer üs verpflegt hend..Würscht (es het de im Fall immerno), Chäs, 80 Prozäntigs und d`Stimmig rasant underwegs Richtig Höhepunkt! Ja ei Höhepunkt isch natürli dä aschliessend Moonwalk durs wunderschöinä Bonzäquartier Grossstei, halt eifach ä Stufe höcher als dä Rescht 😛 ..und denn es erschtsmal mit Einer-Kolonne dur de Hofrain richtig Pöschtli.. Det hets zwar kei „Flühlinnslolle“ gäh, aber mit „Zwätsen“ simer doch zfriede gsi..naja, jedes Kaffee het en anderi Farb gha..aber es isch mal trunke worde und Buuchweh het keine becho, au nid vom abgloffne Bier ide Kabinä! Prouscht! ..proschtet hemer denn dicht gfolgt bim Gallärä am Begägnigsplatz mit Bier, Kaffee, Chrapfe und ganz ä Huufä Zueschauer + Kameramann..ah ja und natürli au es Konzärt hemer gspielt, gfolgt vom Nächste, Übernächste..zwüschedrin churz usäputzä zum fötele – Tami anderscht geili Pics gschosse – a derä Stell Merci Laura! “Cheese please“ – äntlich die lang ersehntä Gruppeföteli, nid mitem Bachbeet, aber wie anno dennzumal nooch am Wasser zur Muota! Nah simer schnurstraggs id Rose zum z`Mittag (Pasta likes Danja – gut bis sehr gut) Danke Armin & Crew!Im Muotaland isch schöin, im Thal und..im Altersheim!“ De Roger het de churzerhand sini Grossmuetter packt und isch mitere üf Bühni – dancing queen mit 94i! Sit 20 Jahr (luut Jens, der kennts) tüemer tatchräftig Wyssä abestuehlä im Fantasy Tours. Da s`Wätter so herrlich warm gsi isch, hends sich 3 Nase hinderem Huus ä chli id Wiese gleid und ä chli träumed..ä chli halluzinogen… Nah simer gstärkt zum Chilävorplatz zur Bescherung der Kinder und Maschgraden (dr Pfarrer Büümä häti gseid: „Dävi, schön bisch no daa!“ Im Oktogon go plagierä und im Calida go Underhösli poschtä, so het üses Programm im Center usgseh! Ä Schübäl Zueschauer hend üs agführed und ich bi sicher, mier hend s`Füür luutstarch zrugggäh! Zum Abschluss dä Uszuug vorem Pfarrheim.. und dä Izuug is Pfarrheim, denn gspiesä und no meeh trunke hend det aschliessend ä Hampflä voll grüenä Ohre mit durstigä Müüler! Abschliessend gits no z`säge: DANKE de Fasnachtsgsellschaft Ibach für de iwandfrii SchmuDo!

OOhh wuunder, au die Brichterstattig find doch no sis Änd, denn was aschliessend bi de Schissäli Paupeler`s Chrüter Chrüz, bim Haaruus, z`Brunne oder süsch amne verschüpfte Ort im Talchessel so alles vor-, uf- oder igfalle isch, het d`Redaktion wie immer gekonnt erfahre, aber stylistisch für sich bhaltet!

PS.: Ä Fläsche Chrüter und dä Schriftsteller isch bestächlich!