Uhrzyyt 04:30, Schauplatz Garderobe Gerbihof. Gruch…süürlich, bis ganz chötzig! Egal…mier sind ready!
05:00 Urknall… also zerst Schwyz, denn…nei nid mier…zersch no Brunne…schowider Schwyz! Denn endlich PENG und törörörö-rö-rö-rö.
De ganz Tag simmer vo Kaffeegönner, zu Kaffeegönner pilgered. Zum Biispil simmer das Jahr serste Mal is Schützehuus go Zmorgä esse! Lecker wars…
Wiiter is Pompi, danke Chantal und denn ufe Hauptplatz! Wider zrugg uf Ibach ad Sunne hets nah gheisse. S‘Letschte mal hemmer bim Adi ufem Plätzli zuechä chönne! Danke vill mal für die vilä Jahr Verchöstigung liebe Gallerä.
Zmittag ide nüüe Erlä. No eis zwei Tänzli vorä usse und scho wider heds gheisse aaschnallä mier gand! 30 Jahr FantasyTours. 30 Jahr Chopfwehwii 😉
Im Alters- und Pflegeheim hemmer so richtig iigheizt und en bolonäääs aazettlet.
Ade nächste Station ufem Chilevorplatz heds de genau 1 Stuck gäh… meh heds ja au nid bruucht. Zum Schluss hemmer döffe bide Familie Imhof es superfeins Znacht zue üs näh. Ville dank für üchi Gastfründschaft.
De Tag isch für üs no lang nud z‘End gsii. Mier hend das Jahr döffe am Fakelumzug in Brunne teilnäh. Übereältigend isch das gsii. Die vilä lüüt und smitenand Spilä isch toll gsii. Am halbi 10ni hemmer üse letschti uuftritt vom Tag gha. Bööööööööörner… säge nur das. Geile Sauhuufä simmer! Danke liebi Gnomä für alles und üch!
De SchmuDo hed jede de für sich (ob schmusend oder nid) la uusklingä.
Toll wars und auf ein nächstes!
Tschüss bis niemeh Brini
