GuuggeMusig Muota Gnomä | Vorspiu Lyss 2018
12424
post-template-default,single,single-post,postid-12424,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Vorspiu Lyss 2018

Ja… mier fahred jetzt mal über Züri uf Bern. Ich meine, wo isch s‘Problem. So gsehmmer wenigstens mal en anderi Gägend… am Verastaltigsort aacho hemmer scho mal s‘erste mal gfroorä. Öpis habere (also die Schnitzelbrot sind ja de absoluti Börner gsii), s‘Areal abchlapperä und scho glii isches denn au Ziit gsii füre ersti Uuftritt. 2 Lieder anebrätsche und ab as Fest hemmer denkt. Nüd isch gsii. D‘Instrumänt hemmer nidemal versorget. Chum ab de Bühni simmer au scho wider druff gstande.
Nachdem mer au de zweiti Uuftritt suverän gmeistered hend. Hends mal gheisse uusschwärme bis am halbi 1. Naja spate Uuftritt erfordered unterhaltsami Massnahme. Chli Deko umfunktioniere, tanze bis eim d‘Füess weh mached oder eifach a de tolle Guuggäklänk lose. Jede hed sich die 3 Stund chli anderst beschäftiged. So, scho isches au wider so wiit gsii und mier hend es letschts mal uf d‘Bühni döffe. Wow, toll ischs gsii.
Da üs ja no en langi Heifahrt erwartet hed, hemmer nachem Uuftritt üsi Instrumänt Packt i Aahänger verlade und sind denn au scho gwapnet gsii üs ufe Heiwäg zmache. Chli Musig im Car. Es chrüzfalschrs Trompetäsolo und no bitzeli Bier.
Rache ist süss…au du döffsch nid schlafä!

Mier Gnomä… unzerstörbar.

Danke für das, tschüss bis niemeh
üches Brini