GuuggeMusig Muota Gnomä | Schränzerball 2016, Sins
9196
post-template-default,single,single-post,postid-9196,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Schränzerball 2016, Sins

Scho wider schminkä… Jaja so isch das halt ade Fasnacht hä! Fasnachtssamstig ab uf Seis zude Rüüsstalschränzer. Det aacho simmer gad echli überwältiged gsii. Wow die Deko, absolut de Wahnsinn. Aber nid nur das. Au bide einzelne Verkleidige hemmer nid schlächt gstuuned. Wikinger, mit Schiffstaxi… 079. D’Flinstones und en überdimensionale Schneemaa hemmer aatroffe. Nüüi Familiene hend sich bildet. Wie isch jetzt die Verbindig Bruno Gwerder oder Marco Blaser?!?!? Chund ja kei Mänsch druus. De Quotä-Tschingg hemmer churzerhand mitemene Elf vermählt oder verchläbt und so hed de Abig ja scho mal super gstartet.

Am nüni simmer denn zu üsem letschte Fäschtuuftritt aaträtte. Nomal richtig Gas gäh und eifach gniässe. Heds gheisse und das hemmer denn au gmacht. Es letscht mal… Eifach GEIL isches gsii. Nachem Uuftritt hemmer en chliine Apero döffe gniesse wo vom Gastgäber spendiert worde isch. Richtig dienig. Merci vill mal.

Zrugg am Fäscht hemmer denn gad nomal gstuuned. En ganzi Gruppe voll Zombies, ide Mitti de Jacko wo eifach mal churz s’Thriller Video nachespiled. Heieiei… Starchi Leistig isch das gsii.

Zwei, drü Chalenges hemmer wider lanciert. Eini hemmer sogar gmeistered. Ja mit bitzeli Hilf vode Tellsynphoniker aber mer hende gha, churz aber äbe, mier henden gha… Trunkä hemmer meh Captain als Morgan. Aber au das isch gange. Was passiert wenn en Gnom en Tanga gfind… Sicher nüd guets hed sich usegstellt. Aber hey d’Fraue hend Freud gha. Ide Kaffestube hedmer zwe Kaffee Zwätschgä und zwe mit Schnapps bstellt. En nüüe Suddli isch entstande. «Jetzt isch mini Banane nass, wäge dier» und au üse Lehrer hed wider all Händ voll Arbet gha. Ide Shotbar isch gruusig gret worde und ide Halle hedmer mit Tanze und Gumpä alles gäh. Läck isch das schnell 03:00 worde. No schnell en Pizza ufe Wäg und ab i Car. Mier hend de Pizza doch no möge ässe will gwartet hemmer ja gliich. 😉 I dere Ziit hemmer de no de Armin verteidiget und gluegt das all einigermasse zfride gsii sind. Aber am halbi füfi simmer de doch all deheime gsii. Ja guet fasch all… Es hed au no die gäh wo bis am Morge am 8ti z’Seis blubä sind und denn eifach mal mit de ÖV hei sind. Aber irgendeisch sind denn doch all dehei gsii. Die einte scho abgschminkt die andere halt nonid… I dem Sinn sorry Omar fürs weckä.

Tschüss bis niemeh

Brini