GuuggeMusig Muota Gnomä | Ski-Weekend oder es näbled
368
post-template-default,single,single-post,postid-368,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Ski-Weekend oder es näbled

„Es Kafi am Pischterand!“..oder no eis meeh hets wieder gäh am alljährliche Ski-Weekend ufem Stoos – ganz grooss! De ganz Seich het für ä Hampflä voll Gnomä ja zwangsläufig bereits am Fritig Abig agfange, die üblichen Verdächtigen! Nachem gmüetliche Znacht am halbi 7i..ehh 7i..ehh oder doch 8i (zum Glück het im Balmberg no dä Wirt und nid d`Wirtin d`Hose ah!!) isches zu de obligatorische Töggäli-Session ide Chlinge-Bar cho und me het sich de au no eis, zwei gnähmiged! Nur zwei sind ide Poliziikontrolle im Zimmer 2 hange blube..! Am Samstig Morge simer de gstärkt vo de vorabendliche, obligatorische Flämmlirundi uf Pischte ufbroche!

Wie s`Vreni hemer nid nur Kurve zoge.. und sind nach me churze BoxxxäStoppp im Gipfel, fasch a eim Schnuuz id Laui-Hütte, wo d`Chacheli gläärt worde sind! Dä Präsi het de leider müesse drahglaube; zersch hets „voreabe“ tropft.. und denn het er no en nüüä Übername becho: „Coci“ (merci Schwöschterhärz)! ..Coci git einewäg minus und drum simer denn doch au no i Näbel abe und uf diesi Siite übere i die berüehmt berüchtigt Waldhüttä! Miittlerwili sind näb dem Dutzend Pischte-Gnomä, denn au no es guets Dutzend Trink-Gnomä itrudlet! No gschwind id Stoos-Hüttä mit de Los Contineros go astosse (Dä Bachelor het usnahmswiis nid gstoche!), ä flüchtige Harlem-Shake, ide Chlinge-Bar am Jürg sis Mundstück go sueche und denn schliesslich go znachtige! Bi lüpfiger Musig und de „unterhaltsame“ Gschichte vom Mugi (…..) hemer gspiesse und sind denn no go es Verdauuigs-Spatziergängli mache..ganzi 70 Meter hemer üs vorgnoh bis mer denn wieder ide Chlinge-Bar tanzed, töggäled, dumm gschnorred und Coci trunke hend! Wer am Sunntig am längste gschlafe het oder es Alcacyl het müesse schlücke, chömer denn nächst Jahr am Fritig-Abig nomal lah revue-passiere! ..bis dann Tschau-Pfau!

ps.: Happy Birthday Mr. Ski-Weekend – 40 Jahre Whisky