DJ Duo Willkür gid vollgas. Mit toller musikalischer Untermalig, hed de «C»Armin üs uf Sarne gfahrä. Det aacho ischer vo üs denn churzer Hand zum Ehre «C»Armin ernännt worde. Mier säged dankeschön.. Für all die Fahrte, Geduld und eifach ALLES.
Iimarsch in Dorfchern. En ganz, ganz chliine Umzug hemmer gmacht.
Gnomä wäred ja nid Gnomä wenns nid scho wider Hunger gha hättet. Denn hemmer üs halt uf d’Suechi vo dem Essensstand gmacht. Irgendwo hie muesser doch sii. Nachdem mer 3x am gliiche Ort dure gloffe und öpä gfühlti 10x (achtung) umä Bach ume sind, heds de doch no öpis gäh. Feini Penne annere 5Pi Suppä. 😉
Ab id Beiz! Mit Französisch hemmers nid eso, drum hemmer de halt eifach es Bier drunkä. Oder «grüäni Mamba». D’Musig isch au nid so das Wahre gsii, aber de nüü userkoreni DJ Luca hed das gregled. Scho bald, oder besser gseid ändlich isches denn so wiit gsii und mier hend ganzi 4 Lieder döffe spilä. Aber hey, mier sind debii gsii und d’Budä hemmer voll grockt.
SAIL!!!
Wenn gömmer hei? Ja dänk am zwei!!!
Amene Fasnachtsfäscht zmitzt im Dorf gids vill Möglichkeite. Drum hemmer üs au aagmässe verteilt. D’Kaffeestubä, de Hexechessel und d’Mex Bar hend müesse drah glaube. Uf Fässer simmer gloffe. Tanzed wie die Wilde und de ganz Abig simmer i gueter Gsellschaft gsii. 😉
De nüüschti Trend under DJs… nach jedem Lied öpis blöds schnorre! (Gell du Lea :-D)
Huuui isch das schnell 2 worde.
Wo denn ändlich all (mit oder ohni Wiehnachtschuglä) im Car ghocked sind, hemmer üs de ufe Heiweg gmacht.
«Mier mached jetzt es Spiili. De Bürgermeister und sini Frau…!» Nännde dem das huere Mikrofon us de Händ… 🙂
Das de Seelisbärgtunnel nid so toll isch wemmer trunkä hed, hemmer letscht Jahr scho usegfunde. Aber ei Gnom heds üs das Jahr nomal genau müesse demonstriere. Ufem Heiweg hed anstatt DJ Duo Willkür öpert anderscht chli Musig gmacht. Mit widerholtä «Üäh, üäh…» Luut, simmer richtig Brunne gfahre.
Z’Brunne aacho sind gwüssi noni müed gsii und sind de no go poste. So schön gids z’Brunne Läde wo immer offe hend.
I dem Sinn! Es lebe die Guggenmusik
Tschüss bis niemeh
Brini
