GuuggeMusig Muota Gnomä | 25 Jahr Rampassä 2016
8807
post-template-default,single,single-post,postid-8807,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

25 Jahr Rampassä 2016

Schmunk druff?!? Denn ab as Jubiläums-Priisnüsslä vode Fasnachtsrott Ibach. Die wird das Jahr 70i und mier hend en riise Freud gha, dasmer hend döffe es Geburtstagsständli spilä.
Frisch und fröhlich simmer denn uf Schwyz wiiterzogä. Wo üs s’Nelly und de Franz scho sehnsüchtig ide Hofmatt erwartet hend.
„Sandra jetzt lohn emol de Chefer la sii.“
Gässe hemmer wie die Grossä. S’Team Hofmatt, plus Tochter sind nurno so umepfurred. Aber hey, fein isches gsii und wunderschöni 3 Stund hemmer verbracht. 😉
Aber wiiter im Text. Wie s’sich ghört hemmer nochli gmusiged und sind denn mit wehendä Fahne richtig Mytheforum gloffä. Ja, will d’Fasnachtsrott Ibach isch nid die einzig gsii wo a dem Tag Jubiläum gfiired hed.

HÄPPY BÖRSDÄY liebi Rampassä.

Bim Mytheforum aacho simmer mit Honigchrüter empfange worde. So guet!!!
Vorem Uuftritt isch nachem Uuftritt drum, WETSCH EN SHOT?!?!?! Traditionell wiiter zogä hemmer das. Nid zvergässe isch, dass d’Simba und mini Wenigkeit s’achtä Weltwunder hend döffe huutnööch miterläbe. Was fürnes Ereignis… Mier sind sprachlos gsii.
Uuftritt Rampassä… Huch, also woner da mit 80 Lüt uf dere Bühni gstande sind und gmusiged hend. Läck du mier am Tschöpli. Hüenerhuut hemmer gha! Chapeau, nümme nüd. All hend glost und sind abgange. Us dem Grund hed sich denn au üsi Besammlig chli verzögered.
De Uuftritt isch denn aber ohni Verspätig und tadellos über Bühni. Es isch eifach immer wider geil mit dere Hordä spinncheibä uf de Bühni z’stah. S’Lotti hemmer all vermisst, aber isch ja nid de letscht. Gäll du. Und hey, gfäschtet hemmer au für dich. Scho glii isches denn gäg die 3 zuä gangä. De DJ mit de grüene Haar hed denn zum Schluss ei Klassiker nachem andere us de Boxä la dröhnä und mier hendem mit Tanzä, Gumpä und Lüchtstäbli gad nochli gäh.
Doch halt, was isch denn das? D’Bedienig hinder de Bar gsehd schwär verdächtig us. Es isch definitiv Ziit zum Hei gah.

So mini liebe, super Tag/Abig/Nacht isch das wider gsii. Aber jetzt…

Tschüss bis niemeh

Brini