GuuggeMusig Muota Gnomä | Fahrt ins Blaue..keine weises!
2309
post-template-default,single,single-post,postid-2309,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Fahrt ins Blaue..keine weises!

Nachem nid ganz „suuber“ überstandne SchmuDo, simer wieder fascht vollzählig und topmotiviert aträte, aträte für die traditionell „Fahrt ins Blaue“! Nid wenig Gnomä hend im vornherein d`Ohre gspitzt und d`Fühler usgstreckt..aber nix hat`s bracht, üsä Tourmanager und Vize-Major het üs einisch meh überrascht und es super Reisli organisiert..es Reisli ins Ungewisse..

..Verstärchig hemer vo paar Ehemalige, Ehremitglieder becho! Dä Bass vom Gallerä isch nid liislig gsi, die 4. Pauke-Stimm vom Phillippe isch nach wie vor unübertroffe und über üsä Car-Chauffeur Armin gits eh nur eis z`sägä: TOP! TOP-Lüüt! D`Frag isch blibe: Wo gaht`s hii? Ja die Frage nach dem „Wo“ het au de Jürg einisch meh beschäftigt..

..Gschminkt hemer üs bim 1. Boxestopp im Casino z`Pfäffikä! Üsi Girls hend zum wiederholte Mal überzügt, d`Redaktion spricht a derä Stell äs grosses Dankeschön üsem Schminkteam us! „Suuber zum Zweite“! Nachem Motto „meeh Hans“ hend „meeh Böck“ s`blaue gsuecht und s`grüenä gfunde! So schnell und „schön“ simer no nie gschminkt gsi. Nur eine isch us de Reihe tanzed, aber schliesslich isch Fasnacht..also „Wayne“!

Nachdem mier üsi Euros verschosse und gspisä hend, isch`s wiitergange richtig Schänis, St. Gallä! Nach langer Abstinenz (Alkohol ausgenommen), hemer wiedermal dörfe en Umzug laufe! Mit de Nummer 1 simer is Ränne gange..na ja, mier hend s`Fäld vo hinnä ufgrollt..und chalt isch gsi..und gfrore sind d`Instrument..und immerno het dä Jürg sis Mundstück gsuecht!

S`absolute Highlight des blauen Tages isch üsä Uftritt gsi! Mier hend ja au es grosses Zält, aber das isch definitiv grösser und v.a. pragelvoll gsi..und Scheisse nomal, mier hend die Buudä grockt! Fazit: Uftritt gut bis sehr gut!

D`AfterHour isch denn a diverse Orte fortgsetzt worde..Eis Zält hend Gnomä im nuu eroberet gha und gspunne wie die Blöde..ander hend mit dä Würger tusched und sind richtig Innerschwyz abghusched..und nomal ander sind wahrschindli immerno am „aftere“..frei nach dem Motto: GüMo, du darfst kommen!