GuuggeMusig Muota Gnomä | Grümpi 2013
257
post-template-default,single,single-post,postid-257,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Grümpi 2013

„Muota-Gnomä-Füdläblut“ stand für Einsatz, Zusammengehörigkeit, Wille, Erfolg und Durst! s`Grümpi im Feckerdorf, i üsere Stube Gerbihof, isch en riese Erfolg gsi! Nid nur sportlich, sondern au mitem soziale Aspekt hemer allne d`Show gstohle und gross uftrumpfed! Nachem sensationelle Gruppesieg mit nume 1 Unentschiede und 4 Sieg, hend mier chönne i Halbfinal izieh! „Tätschgrinde“ hend s`Glück chli meh uf ihrere Siite gha und s`Penaltyschiesse knapp gwunne! Bi Spiel um Platz 3 hend mier 20min. Powerplay gspielt gäge de EHC Seewe, wo nüm usem ruedere cho isch..1 Agriff hends de doch no gha und de het leider gsässe.. und mier hends Runde leider bekanntlich nid is Eggigä brunge! „Fussball ist wie Schach, nur ohni Würfel“ und das Jahr fascht ohni Fraue! d`Mixed Gruppe hets nid gäh und so hend mier bide Manne mitgspielt und folgendermasse ufgstellt gsi:

Üsi Transfers i letzter Sekunde Faz, König vo Schwyz und 6i-Legende im Tor und Tellsnight Legende (Bürzelbaum es Thema) Manuel Fässler als Abwehrchef, Mugi,der Unermüdliche, Hofer,die Frisur sass, Jasmin,die Rennmaus, Bruno,Grossstei-Legende, Dave,der Goldfuss, Dominik,Chancentod 😉 , Julian,die Perle, Cornel,der Joker, Bätschert,the Machine und meine Wenigkeit als Regisseur! „gmeinsam unufhaltsam“ hend mier de Tag gstartet mit de obligatorische Teamsitzig und denn scho am afang fasch s`Highlight vom Tag: Es einheitlichs Dress, wieses no nie gäh het! FCZ überall, Ibach isch ois – DANKE Hermann Burgermeister! Au d`Abgäng vom Luca & Jürg hemer meh als nume kompensiert, au sie hend nüd gägä de Teamspirit vo de Muota-Gnomä-Füdläblut chönne usrichte!

 

s`Bier ide Kabine isch chalt gstellt gsi..umso wärmer denn Bierduschi! Au nachem Turnier isch Taktik sehr offensiv usgrichtet gsi! Nid lang isch gange und mier sind uf Bänk gstande..sogar de Gallärä isch am gumpe gsi! Apropos gumpe: „Peppe, du sötsch dini „Pauke“ chli reduziere, die Bänk sind nid so stabil!“ 😛 Stimmig isch grandios gsi, de Gerbi am choche, sogar „poltered“ isch no worde.. es het a nüd gfählt! Voller Stolz erfüllt hani die Mannschaft dörfe „füehre“ – MERCI Team & Staff!! ..und ich bi sicher da red ich für all: Ich freu mich etz scho uf nächst Jahr, wenn`s wieder luutstarch heisst: „ooohhhhh Muota-Gnomä-Füdläblut!“

 

der SpielFührer