GuuggeMusig Muota Gnomä | Chesslätä-tä-tä
572
post-template-default,single,single-post,postid-572,single-format-standard,ajax_fade,page_not_loaded,boxed,,qode-title-hidden,qode_grid_1300,footer_responsive_adv,qode-content-sidebar-responsive,qode-theme-ver-17.0,qode-theme-bridge,qode_header_in_grid

Chesslätä-tä-tä

Mit „Evolution“ oder eifach emne „Horrorfilm“ hend d`Fronis d`Lüüt uf Morschach glockt änds Novämber.. Klar, das mier üsä Sänf au hend müessä dezue gäh! Aber alles der Reihe nach… Als Erscht`s hets am Fritig Abig en Majorz-Präsidänz Fondue-Plausch gäh so nachem Motto „gärä dr Chääs“ à la selfmade! Gmundet hets.. und gli isch au scho Samstig gsi.. ä ganz speziellä Samstig, denn mier hend dörfe Gascht sii im BrunnerHof zum schminkä und apéröle.. als wäred die einte nid süsch scho eher guet gsehni Gäscht ade HolzBar ..*rülpste David! Und scho gli isch „action-jackson“ gsi; zum Gnomä Evergreen-Oldie „VIVA“ hets dä Roger scho zämägleid.. Dublin, Guinness,.. vo luuter Stress het er meh als nur „rot“ & „grüen“ gseh und mal churz es „nickerchen“ anegleid! Angy & Mandy, das reimt sich nid nur, au Frisurätechnisch hed das top harmoniert! Dä absoluti Bööörrrrrner isch denn üses Ständli IDÄ HofBar gsi! Da hets nid nur de Flyinghirsch-Klub vo de Socke ghaue, au em Gaschtgeber hemer mit üsem Bsuech hüntsch igfüüräd und ziehnd eimal meh „Kapuze“ vorem Chrigel und sim Team! GRAZIE!!!

Womer de ufä Bös hend welle oder gange sind, hets chäch viel Platz gha.. er isch de glich no dr Hoger duruf kesslät mit wildem Geschrei der Ureinwohner aus dem Dorfe der Eiben am Bach; „Füdlä gägä Seelisbärg!“ Dobe isches ide Kaffeestube wiiter gange mitere churze Pop-Corn Schlacht und stets langwierige Unterhaltige mitem Master JC & Roli Chäli am Akkordeon! Ah ja, gspielt hemer au no.. voremne Hampfle Ehemalige und Major ManU het gschwitzt als wär er d`Muota duruf gschwumme.. Fazit: Hammer Uftritt gsi zur Prime-Time vor usverchauftem Huus.. aso zumindest ide Halle wo mier gspielt hend. Matchentscheidendi Frag het sich zur Choreo vom Schilter`s Bätschlör`s Ameisi-Rhythmus gstellt: Möched ächt all Fecker mit? ..für s`erschtmal gar nid so leid gsi, mit Luft und Bier nach obä! Fasch vollzählig, hend de glich au no fascht alli Gnomä Luscht gha z`cho.. ja dr eint sogar diräkt igfloge us Dubai; GRANDE Mario!

Ah ja, eine kleine aber feine Randnotiz; dä Treichler het am Vorabig no ä „grossi Schnorrä“ gha und de prompt ä Harasse Bier müesse abtuggä em Präsi: „Mit dier wetti au wiedereisch – Proscht!“ Dä 2. Uftritt im „Movember“ het sich uf jede Fall glohnt! ..sigs au nur dä Prostata z`lieb! Me het au wieder allerhand bekannti Gsichter troffe, aber eis gfind me immer wieder vermehrt nachem Uftritt am Grillstand; dä Ivo & Frässe, die zwei beschtä Kumpel! Es Fleischplättli bim Tschingg oder Schönäbüechler Chilbi.. für jede Gschmack hets en After-Hour gäh! ..Luca, wie het sie eigentlich gheisse?!

Zum Abschluss muss eiserne Faust noch dringend was loswerden..so churz vor Wiehnachte chli am „schwächle“ und drum für einisch ganz sentimental: „GNOMÄ, ier sind eifach dä Hammer! Wiiter soo! c`mon Fasnacht 2014!“